यावर्षी ७ डिसेंबर २०२२ श्री दत्त जयंती साजरी केली जात आहे, ज्याला आपण दत्तात्रेय जयंती असेही म्हणतो. भगवान दत्तात्रेयांचा जन्म मार्गशीर्ष महिन्याच्या पौर्णिमेला झाला होता, म्हणून त्यांची जयंती या शुभ तिथीला साजरी केली जाते. भगवान दत्त म्हणजेच दत्तात्रेय हे त्रिदेव ब्रह्मा, विष्णू आणि महेश यांचे एकत्रित रूप आहे. भगवान दत्तात्रेय हे त्रिदेवांचे अवतार आहेत, म्हणून त्यांची पूजा केल्याने केवळ त्रिदेवांचा आशीर्वाद मिळत नाही, तर भक्तांच्या जीवनात सुख, समृद्धी, वैभव आणि ऐश्वर्यही प्राप्त होते. महाराष्ट्राव्यतिरिक्त दक्षिण भारतात दत्तात्रेय जयंती मोठ्या थाटामाटात साजरा केली जाते. असे म्हणतात की भगवान दत्तांना २४ गुरूंनी शिकवले होते आणि त्यांच्या नावाने दत्त संप्रदायाची उत्पत्ती झाली त्यामुळे दत्त संप्रदायातील लोकांसाठी दत्त जयंतीचे विशेष महत्त्व आहे.